چشمۂ شیریں الگ ساگر الگ — نعمان شوق
شاعر
چشمۂ شیریں الگ ساگر الگ
چشمۂ شیریں الگ ساگر الگ
آؤ بیٹھیں بھیڑ سے ہٹ کر الگ
رونمائی کے لئے آ جاؤ تم
میری آنکھوں میں ہے اک منظر الگ
ہم کو سجدے سے کہاں انکار ہے
پر یہاں تو دھڑ الگ ہے سر الگ
چہرہ دل کا آئنہ ہے کیا کہا
آدمی اندر الگ باہر الگ
وہ بھی تھا اس خوش نما تصویر میں
ہو گئے سب رنگ ایک اک کر الگ
گھورتے ہیں نا مکمل شعر ادھر
اور ادھر ہیں آپ بن ٹھن کر الگ
نعمان شوق
Chashma-e-shirin alag saagar alag
Chashma-e-shirin alag saagar alag
Aao baiThen bheeD se haT kar alag
Ro-numai ke liye aa jaao tum
Meri aankhon mein hai ek manzar alag
Ham ko sajde se kahan inkar hai
Par yahan to dhaD alag hai sar alag
Chehra dil ka aaina hai kya kaha
Aadmi andar alag bahar alag
Woh bhi tha us khush numa tasveer mein
Ho gaye sab rang ek ek kar alag
Ghoorte hain na mukammal shair idhar
Aur idhar hain aap ban Thann kar alag
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں