دیوار ہے دریچہ نہ در آئے روشنی — نعمان شوق
شاعر
دیوار ہے دریچہ نہ در آئے روشنی
دیوار ہے دریچہ نہ در آئے روشنی
تقریر خوب جیت پہ فرمائے روشنی
پرچم نہیں یہ میرا علم ہے حسین کا
جس کو شہید ہونا ہے لہرائے روشنی
نقشے پہ کوئی ملک ہمارا نہیں بچا
اب ہم وہیں ملیں گے جہاں آئے روشنی
کل راستے میں اس پہ اچانک نظر پڑی
بے اختیار آنکھوں میں بھر لائے روشنی
بجلی گری تو دوڑ پڑے بے قرار لوگ
تقدیر میں نہیں تھا کہ مل پائے روشنی
ہر شاخ پر کھلے ہوئے عریانیوں کے پھول
یہ شرط بھی ہے خوب کہ شرمائے روشنی
دانشوروں کو کام ملا ہے نیا نیا
شمعیں بجھائیں اور کریں ہائے روشنی
پیاسے کو بھی تو پانی نظر آنا چاہئے
اس بار چھائے ابر تو برسائے روشنی
یہ جو صفائی ہے نا اندھیرے کی دین ہے
بس انتظار کیجیے آ جائے روشنی
نعمان شوق
Deewar hai daricha na dar aaye roshni
Deewar hai daricha na dar aaye roshni
Taqreer khoob jeet pe farmaye roshni
Parcham nahin ye mera alam hai Hussain ka
Jis ko shaheed hona hai lehraaye roshni
Naqshe pe koi mulk hamara nahin bacha
Ab hum wahin milenge jahan aaye roshni
Kal raaste mein us pe achaanak nazar padi
Be-ikhtiyar aankhon mein bhar laaye roshni
Bijli giri to daud pade be-qarar log
Taqdeer mein nahin tha ke mil paaye roshni
Har shakh par khule hue uriyanion ke phool
Ye shart bhi hai khoob ke sharmaaye roshni
Danshwaron ko kaam mila hai naya naya
Shamain bujhaein aur karein haaye roshni
Pyaase ko bhi to paani nazar aana chahiye
Is baar chhaye abr to barsaaye roshni
Ye jo safai hai na andhere ki dein hai
Bas intezar kijiye aa jaaye roshni
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں