دیکھتے رہیے دور جاتے ہوئے — نعمان شوق
شاعر
دیکھتے رہیے دور جاتے ہوئے
دیکھتے رہیے دور جاتے ہوئے
یہی ہونا تھا آزماتے ہوئے
جانے ہو کون کیسی حالت میں
کانپتا ہوں دیا جلاتے ہوئے
ایک دن راکھ ہو گئے دونوں
آگ کو آگ سے بجھاتے ہوئے
مر کے زندہ بچے ہو کتنی بار
یاد رکھنا تھا چوٹ کھاتے ہوئے
وہ جو پہلا چراغ تھا گھر کا
بجھ گیا روشنی بناتے ہوئے
عمر کی ریل تھی رکی ہی نہیں
سب ہوئے دور پاس آتے ہوئے
میں ستارہ بنا نہ تم ہوئے خاک
ڈر تھا کیسا گلے لگاتے ہوئے
نعمان شوق
Dekhte rahiye door jaate hue
Dekhte rahiye door jaate hue
Yahi hona tha aazmate hue
Jaane ho kaun kaisi halat mein
Kanpta hun diya jalate hue
Ek din rakh ho gaye donon
Aag ko aag se bujhate hue
Mar ke zinda bache ho kitni bar
Yaad rakhna tha choT khate hue
Woh jo pehla chiragh tha ghar ka
Bujh gaya raushni banate hue
Umar ki rail thi ruki hi nahin
Sab hue door paas aate hue
Main sitara bana na tum hue khak
Dar tha kaisa gale lagate hue
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں