دل اس کی دسترس سے دور ہے کیا — نعمان شوق
شاعر
دل اس کی دسترس سے دور ہے کیا
دل اس کی دسترس سے دور ہے کیا
یہ مجرم آج بھی مفرور ہے کیا
یہ دنیا بوجھ بنتی جا رہی ہے
ترا عاشق کوئی مزدور ہے کیا
میں اپنے سچ پہ شرمندہ نہیں ہوں
تمہیں یہ آئنہ منظور ہے کیا
محبت والے ہیں کتنے زمیں پر
اکیلا چاند ہی بے نور ہے کیا
میں اپنی طرح سے دل ہارتا ہوں
محبت کا کوئی منشور ہے کیا
ڈراتے ہو خدا کا نام لے کر
یہ بندہ اس قدر مجبور ہے کیا
نعمان شوق
Dil us ki dastaras se door hai kya
Dil us ki dastaras se door hai kya
Ye mujrim aaj bhi mafroor hai kya
Ye duniya bojh banti ja rahi hai
Tera aashiq koi mazdoor hai kya
Main apne sach pe sharminda nahin hoon
Tumhein ye aaina manzoor hai kya
Mohabbat wale hain kitne zameen par
Akela chand hi be-noor hai kya
Main apni tarah se dil harta hoon
Mohabbat ka koi manshoor hai kya
Daraate ho khuda ka naam le kar
Ye banda is qadar majboor hai kya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں