دن بہ دن گھٹتی ہوئی عمر پہ نازل ہو جائے — نعمان شوق
شاعر
دن بہ دن گھٹتی ہوئی عمر پہ نازل ہو جائے
دن بہ دن گھٹتی ہوئی عمر پہ نازل ہو جائے
اک بدن اور مری روح کو حاصل ہو جائے
مورچے کھولتا رہتا ہوں سمندر کے خلاف
جس کو مٹنا ہے وہ آئے مرا ساحل ہو جائے
کھیل ہی کھیل میں چھو لوں میں کنارا اپنا
ایسے سوؤں کہ جگانا مجھے مشکل ہو جائے
لگ کے بیمار کے سینے سے نہ رونا ایسے
زندگانی کی طرح موت بھی مشکل ہو جائے
رکھ رہے ہیں ترے پتھر مرے زخموں کا حساب
اب یہ مجمع بھی مرے کشف کا قائل ہو جائے
اس قدر دیر نہ کرنا کہ یہ آسیب نگر
رات کا روپ لے اور جسم میں داخل ہو جائے
جنگ اپنوں سے ہے تو دل کو کنارے کر لوں
راستے میں یہی تلوار نہ حائل ہو جائے
نعمان شوق
Din ba din ghatti hui umar pe nazil ho jaye
Din ba din ghatti hui umar pe nazil ho jaye
Ek badan aur meri rooh ko hasil ho jaye
Morche kholta rehta hoon samandar ke khilaf
Jis ko mitna hai woh aaye mera saahil ho jaye
Khel hi khel mein chhu loon main kinara apna
Aise soo'un ke jagana mujhe mushkil ho jaye
Lag ke beemar ke seene se na rona aise
Zindagani ki tarah maut bhi mushkil ho jaye
Rakh rahe hain tere patthar mere zakhmon ka hisab
Ab yeh majma bhi mere kashf ka qaail ho jaye
Is qadar der na karna ke yeh aaseb nagar
Raat ka roop le aur jism mein dakhil ho jaye
Jang apnon se hai to dil ko kinare kar loon
Raste mein yehi talwar na haail ho jaye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں