ڈوبنے والا ہی تھا ساحل بر آمد کر لیا — نعمان شوق
شاعر
ڈوبنے والا ہی تھا ساحل بر آمد کر لیا
ڈوبنے والا ہی تھا ساحل بر آمد کر لیا
اس نے بالآخر ہمارا دل بر آمد کر لیا
وہ بدن کی بھیک دینے پر ہوا راضی تو میں
اپنی خوشحالی میں اک سائل بر آمد کر لیا
ہم تلاش حق میں نکلے اور شرمندہ ہوئے
اس نے آئینے سے بھی باطل بر آمد کر لیا
عشق کے منکر تھے ہم تو یہ جہاں ناپید تھا
جب ہوئے اثبات پر مائل بر آمد کر لیا
آگ کے دریا میں کر کے رقص جب ہم تھک گئے
راکھ کے اک ڈھیر سے ساحل بر آمد کر لیا
کون کہتا ہے کہ ہم معصوم بزدل لوگ ہیں
اس نے تو ہر گھر سے اک قاتل بر آمد کر لیا
نعمان شوق
Doobne wala hi tha sahil bar'amad kar liya
Doobne wala hi tha sahil bar'amad kar liya
Us ne bil'akhir hamara dil bar'amad kar liya
Woh badan ki bheek dene par hua razi to main
Apni khush'hali mein ek saail bar'amad kar liya
Ham talash-e-haq mein nikle aur sharminda hue
Us ne aaine se bhi baatil bar'amad kar liya
Ishq ke munkir the ham to ye jahan napayab tha
Jab hue isbat par maayil bar'amad kar liya
Aag ke dariya mein kar kar ke raqs jab ham thak gaye
Rakh ke ek dher se sahil bar'amad kar liya
Kaun kehta hai ke ham masoom buzdil log hain
Us ne to har ghar se ek qatil bar'amad kar liya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں