دوسرے نام سے جیا جائے — نعمان شوق
شاعر
دوسرے نام سے جیا جائے
دوسرے نام سے جیا جائے
زہر شہرت ہے کیوں پیا جائے
ہار مانے پہ وار کیا کرنا
عقل کو راستہ دیا جائے
یہ بھی ممکن ہے مر مٹیں تم پر
یہ بھی ممکن ہے جی لیا جائے
اور کچھ ذہن سے نکلتا نہیں
یعنی خود کو بھلا دیا جائے
آج یوم شہادت حق ہے
آج چپ چاپ رہ لیا جائے
جسم کے جاگنے کا وقت ہے یہ
اب مجھے لوٹنے دیا جائے
خوش گمانی کے جل چکے باغات
اب تو قبلہ بدل لیا جائے
نعمان شوق
Doosre naam se jiya jaaye
Doosre naam se jiya jaaye
Zehar shohrat hai kyoon piya jaaye
Haar maane pe waar kya karna
Aql ko raasta diya jaaye
Ye bhi mumkin hai mar miTain tum par
Ye bhi mumkin hai ji liya jaaye
Aur kuchh zehen se nikalta nahin
Ya'ni khud ko bhula diya jaaye
Aaj Yaum-e-Shahadat-e-Haq hai
Aaj chup chaap rah liya jaaye
Jism ke jaagne ka waqt hai ye
Ab mujhe luTne diya jaaye
Khush-gumani ke jal chuke baaghaat
Ab to qibla badal liya jaaye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں