دنیا ہے اہل عشق کو سب سے بری جگہ — نعمان شوق
شاعر
دنیا ہے اہل عشق کو سب سے بری جگہ
دنیا ہے اہل عشق کو سب سے بری جگہ
ڈھونڈھیں خدا کے واسطے کوئی نئی جگہ
تھا اک حسیں گناہ اسی کی سزا کے طور
آباد کی گئی ہے یہ بے کار سی جگہ
کیا کہہ کے اس نے دل سے نکالا ہے ہائے ہائے
اب کیا تمام عمر رہو گے اسی جگہ
ماحولیات کا یہ توازن ہے کل مذاق
انساں کہیں کہیں ہیں درندے سبھی جگہ
چپ چاپ یوں ہی نار ہوس میں پڑے رہو
ہوگی نہ اس بہشت سے اچھی کوئی جگہ
اب میرے اعتکاف پہ وہ بھی ہیں معترض
آ جا چکے ہیں خود جو ہر اچھی بری جگہ
اک دوسرے سے دل تو ہمارے بھرے نہیں
دنیا نے اب بھی گھیر رکھی ہے بڑی جگہ
نعمان شوق
Duniya hai ahl-e-ishq ko sab se buri jagah
Duniya hai ahl-e-ishq ko sab se buri jagah
Dhoondhein Khuda ke vaste koi nayi jagah
Tha ek haseen gunah isi ki saza ke taur
Aabaad ki gayi hai yeh bekar si jagah
Kya keh ke us ne dil se nikala hai haye haye
Ab kya tamam umar rahoge isi jagah
Maholiyaat ka yeh tawazun hai kal mazaaq
Insaan kahin kahin hain darinday sabhi jagah
Chup chaap yoon hi naar-e-hawas mein pade raho
Hogi na is bahisht se achhi koi jagah
Ab mere e'tikaf pe woh bhi hain mu'tariz
Aa ja chuke hain khud jo har achhi buri jagah
Ek doosre se dil to hamare bhare nahin
Duniya ne ab bhi gher rakhi hai badi jagah
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں