ایک پل میں ٹوٹنے کو ہے سمندر کا سکوت — نعمان شوق
شاعر
ایک پل میں ٹوٹنے کو ہے سمندر کا سکوت
ایک پل میں ٹوٹنے کو ہے سمندر کا سکوت
یہ اشارہ کر رہا ہے ریت کے گھر کا سکوت
ہم بہت پچھتائے آوازوں سے رشتہ جوڑ کر
شور اک لمحے کا تھا اور زندگی بھر کا سکوت
ہو سکے تو کیجئے اب زلزلے کا اہتمام
ورنہ دستک سے نہیں ٹوٹے گا اس گھر کا سکوت
کوئی تو آواز ابھرے دل کے ویرانے سے اب
چاٹتا جاتا ہے مجھ کو میرے اندر کا سکوت
ایک لمحے میں شفق کے رنگ کو کجلا گئی
اس کی پل بھر کی اداسی اس کا پل بھر کا سکوت
نعمان شوق
Ek pal mein tootne ko hai samundar ka sukoot
Ek pal mein tootne ko hai samundar ka sukoot
Yeh ishaara kar raha hai ret ke ghar ka sukoot
Ham bahut pachhtae awaazon se rishta jod kar
Shor ek lamhe ka tha aur zindagi bhar ka sukoot
Ho sake to kijiye ab zalzale ka ihtimam
Warna dastak se nahin tootega us ghar ka sukoot
Koi to awaaz ubhre dil ke veerane se ab
Chaatta jaata hai mujh ko mere andar ka sukoot
Ek lamhe mein shafaq ke rang ko kujhla gai
Uski pal bhar ki udaasi uska pal bhar ka sukoot
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں