گیا بے کار آخر یہ برس بھی — نعمان شوق
شاعر
گیا بے کار آخر یہ برس بھی
گیا بے کار آخر یہ برس بھی
محبت بھی ادھوری ہے ہوس بھی
اسے بس سوچنا اور لکھتے رہنا
یہیں تک ہے ہماری دسترس بھی
بڑا دعویٰ ہے تجھ کو دلبری کا
گرجنے والے آ اک دن برس بھی
درندوں کے پرندوں کے مزے ہیں
کبھی انساں پہ آئے گا ترس بھی
اسے اک بار بس اک بار مل لو
تو کم پڑ جائیں دل دو چار دس بھی
نعمان شوق
Gaya bekaar akhir ye baras bhi
Gaya bekaar akhir ye baras bhi
Muhabbat bhi adhoori hai hawaz bhi
Use bas sochna aur likhte rehna
Yahin tak hai hamari dastaras bhi
BaDa da'wa hai tujh ko dilbari ka
Garajne wale aa ek din baras bhi
Darindon ke parindon ke maze hain
Kabhi insaan pe aayega taras bhi
Use ek bar bas ek bar mil lo
To kam paD jaayen dil do chaar das bhi
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں