گلاب چہرہ شراب راتیں — نعمان شوق
شاعر
گلاب چہرہ شراب راتیں
گلاب چہرہ شراب راتیں
تری عطا ہیں یہ خواب راتیں
کہاں یہ بجھتے چراغ کی لو
کہاں یہ عزت مآب راتیں
نکالیے وقت بندہ پرور
سنواریے کچھ خراب راتیں
نیا نشہ ہے کھلی سڑک پر
نہا کے نکلیں عذاب راتیں
چلو بدن پر لپیٹتے ہیں
برس رہی ماہتاب راتیں
سیاہ کاروں نے پھر دعا کی
خدا سنوارے خراب راتیں
یہ باغ ہے منتظر تمہارا
کھلی ہوئی ہیں گلاب راتیں
نعمان شوق
Gulab chehra sharaab raatein
Gulab chehra sharaab raatein
Teri ata hain yeh khwab raatein
Kahan yeh bujhte chiragh ki lau
Kahan yeh izzat ma'ab raatein
Nikaliye waqt banda parwar
Sanwariye kuch kharab raatein
Naya nasha hai khuli sadak par
Naha ke niklein azab raatein
Chalo badan par lapette hain
Baras rahi mahtaab raatein
Siyahkaaron ne phir dua ki
Khuda sanware kharab raatein
Yeh bagh hai muntazir tumhara
Khuli hui hain gulab raatein
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں