اک جنوں اپنا لبادہ ہو گیا — نعمان شوق
شاعر
اک جنوں اپنا لبادہ ہو گیا
اک جنوں اپنا لبادہ ہو گیا
آسماں سا دل بھی سادہ ہو گیا
سہو سجدہ کی بھی گنجائش نہیں
اک تعلق بے ارادہ ہو گیا
روح تھی اس کی سدا سے بے نیاز
جسم سے ہی استفادہ ہو گیا
اپنا رشتہ جس سے ہو سکتا نہیں
وصل ایسا خانوادہ ہو گیا
بوند بھر تھا چاہتوں کا سلسلہ
آنکھ میں پانی زیادہ ہو گیا
راہ روکی ہے اجالے نے مری
بن کے دیوار ایستادہ ہو گیا
نعمان شوق
Ik junoon apna libada ho gaya
Ik junoon apna libada ho gaya
Aasmaan sa dil bhi saada ho gaya
Sehv-e-sajda ki bhi gunjaish nahin
Ik taalluq be-irada ho gaya
Rooh thi uski sada se be-niyaz
Jism se hi istifada ho gaya
Apna rishta jis se ho sakta nahin
Wasl aisa khanwada ho gaya
Boond bhar tha chahton ka silsila
Aankh mein pani ziyada ho gaya
Raah roki hai ujale ne meri
Ban ke deewar istada ho gaya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں