اس بار انتظام تو سردی کا ہو گیا — نعمان شوق
شاعر
اس بار انتظام تو سردی کا ہو گیا
اس بار انتظام تو سردی کا ہو گیا
کیا حال پیڑ کٹتے ہی بستی کا ہو گیا
اس بار سنگسار ہوئے بے گناہ لوگ
اک راستہ بدن کی بحالی کا ہو گیا
جزیہ وصول کیجئے یا شہر اجاڑیے
اب تو خدا بھی آپ کی مرضی کا ہو گیا
مٹی کے اک دیے کی مجھے بد دعا لگی
لو دے کے ایک بار میں مٹی کا ہو گیا
جلتے مکان دیکھ کے لوگ اتنے خوش ہوئے
پل میں سماں ہی جیسے دوالی کا ہو گیا
نکلا نہ میں بھی گھر سے سنی میں نے بھی وہ چیخ
کتنا بڑا علاقہ سپاہی کا ہو گیا
نعمان شوق
Is baar intizam to sardi ka ho gaya
Is baar intizam to sardi ka ho gaya
Kya haal ped katte hi basti ka ho gaya
Is baar sangsar hue be-gunah log
Ek rasta badan ki bahali ka ho gaya
Jazia vasool kijiye ya shahar ujadiye
Ab to khuda bhi aap ki marzi ka ho gaya
Mitti ke ek diye ki mujhe bad-dua lagi
Lau de ke ek baar main mitti ka ho gaya
Jalte makan dekh ke log itne khush hue
Pal mein samaan hi jaise Diwali ka ho gaya
Nikla na main bhi ghar se suni maine bhi woh cheekh
Kitna bada ilaaqa sipahi ka ho gaya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں