عشق تھا واقعہ بنا ڈالا — نعمان شوق
شاعر
عشق تھا واقعہ بنا ڈالا
عشق تھا واقعہ بنا ڈالا
آپ نے کیا سے کیا بنا ڈالا
آسماں کو نہ چھو سکے تو کیا
ایک زینہ نیا بنا ڈالا
جن کا دعویٰ ہے پانیوں پہ ہنوز
ہر طرف کربلا بنا ڈالا
آدمی آدمی تو ہو پہلے
آپ نے تو خدا بنا ڈالا
ہجر میں کفر یہ ہوا سرزد
تم گئے دوسرا بنا ڈالا
اس سے جی بھر کے بات کی کل رات
شکل تھا وہ صدا بنا ڈالا
ہر نئے غم پہ مسکراتا ہوں
اک تماشے نے کیا بنا ڈالا
نعمان شوق
Ishq tha waqiya bana dala
Ishq tha waqiya bana dala
Aap ne kya se kya bana dala
Asmaan ko na chhu sake to kya
Ek zeena naya bana dala
Jin ka daawa hai paniyon pe hunoz
Har taraf Karbala bana dala
Aadmi aadmi to ho pehle
Aap ne to Khuda bana dala
Hijr mein kufr ye hua sarzad
Tum gaye dusra bana dala
Us se ji bhar ke baat ki kal raat
Shakl tha woh sada bana dala
Har naye gham pe muskurata hoon
Ek tamashe ne kya bana dala
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں