اتنا تیار تو مرنے کو نہیں ہے کوئی — نعمان شوق
شاعر
اتنا تیار تو مرنے کو نہیں ہے کوئی
اتنا تیار تو مرنے کو نہیں ہے کوئی
ناؤ ہے پار اترنے کو نہیں ہے کوئی
ہم سے ہی جشن ہے مقتل میں ذرا روک کے ہاتھ
پھر کہو گے تمہیں مرنے کو نہیں ہے کوئی
میری مٹی سے بہت کھیل چکی تیز ہوا
میں یگانہ تھا بکھرنے کو نہیں ہے کوئی
تربیت ایسی غلاموں کو ملی ہے اس بار
سب ہیں کرنے کو نہ کرنے کو نہیں ہے کوئی
دیر تک آئنہ دیتا ہے صدائیں مجھ میں
تم نہ آؤ تو سنورنے کو نہیں ہے کوئی
برف بھی آج ہی گرنی تھی مری سانسوں میں
آج تو آگ بھی بھرنے کو نہیں ہے کوئی
وعدۂ وصل پہ لب مہر لگاؤ مری جان
یہ لگے تو کہ مکرنے کو نہیں ہے کوئی
نعمان شوق
Itna taiyar to marne ko nahin hai koi
Itna taiyar to marne ko nahin hai koi
Naao hai paar utarne ko nahin hai koi
Hum se hi jashn hai maqtal mein zara rok ke haath
Phir kahoge tumhein marne ko nahin hai koi
Meri mitti se bahut khel chuki tez hawa
Main yagana tha bikharnay ko nahin hai koi
Tarbiyat aisi ghulamon ko mili hai is baar
Sab hi hain karne ko na karne ko nahin hai koi
Der tak aaina deta hai sadaayein mujh mein
Tum na aao to sanwarne ko nahin hai koi
Barf bhi aaj hi girni thi meri saanson mein
Aaj to aag bhi bharne ko nahin hai koi
Vaada-e-vasl pe lab mohar lagao meri jaan
Yeh lage to keh mukarne ko nahin hai koi
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں