اتنی تعظیم ہوئی شہر میں عریانی کی — نعمان شوق
شاعر
اتنی تعظیم ہوئی شہر میں عریانی کی
اتنی تعظیم ہوئی شہر میں عریانی کی
رات آنکھوں نے بھی جی بھر کے بدن خوانی کی
ناپ سکتا ہے کوئی سرد ہوا تیرے سوا
یہ جو خندق ہے مرے چار سو ویرانی کی
دل کو معزول کیا عشق سے تو نے لیکن
خاک پہ رہ کے بھی سلطان نے سلطانی کی
سب اڑاتے ہیں مری سرد دماغی کا مذاق
یعنی دنیا کو ضرورت ہے نگہبانی کی
پھول کون ایسے کھلاتا ہے مرے چاروں طرف
دھوپ کی جن کو ضرورت نہ طلب پانی کی
دبدبہ بڑھتا گیا شہر میں خوشحالی کا
مل گئی داد مرے دشت کو ویرانی کی
نعمان شوق
Itni ta'zeem hui shahr mein uriyani ki
Itni ta'zeem hui shahr mein uriyani ki
Raat aankhon ne bhi ji bhar ke badan-khwani ki
Naap sakta hai koi sard hawa tere siwa
Ye jo khandaq hai mere char su veerani ki
Dil ko ma'zool kiya ishq se tune lekin
Khak pe rah ke bhi sultan ne sultani ki
Sab uDate hain meri sard-dimaghi ka mazaaq
Yaani duniya ko zaroorat hai nigehbani ki
Phool kaun aise khilata hai mere charon taraf
Dhoop ki jin ko zaroorat na talab pani ki
Dabdaba baDhata gaya shahr mein khush'hali ka
Mil gai dad mere dasht ko veerani ki
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں