جانے کس امید پہ چھوڑ آئے تھے گھر بار لوگ — نعمان شوق
شاعر
جانے کس امید پہ چھوڑ آئے تھے گھر بار لوگ
جانے کس امید پہ چھوڑ آئے تھے گھر بار لوگ
نفرتوں کی شام یاد آئے پرانے یار لوگ
وہ تو کہئے آپ کی خوشبو نے پہچانا مجھے
عطر کہہ کر جانے کیا کیا بیچتے عطار لوگ
پہلے مانگیں سربلندی کی دعائیں عشق میں
پھر ہوس کی چاکری کرنے لگے بیمار لوگ
آپ کی سادہ دلی سے تنگ آ جاتا ہوں میں
میرے دل میں رہ چکے ہیں اس قدر ہشیار لوگ
اس جواں مردی کے صدقہ جائیے ہر بات پر
سر کٹانے کے لیے رہتے ہیں اب تیار لوگ
پھیلتا ہی جا رہا ہے دن بہ دن صحرائے عشق
خاک اڑاتے پھر رہے ہیں سب کے سب بے کار لوگ
بادشاہت ہو نہ ہو لیکن بھرم قائم رہے
ہر گھڑی گھیرے ہوئے بیٹھے رہیں دو چار لوگ
نعمان شوق
Jaane kis umeed pe chhod aaye the ghar baar log
Jaane kis umeed pe chhod aaye the ghar baar log
Nafraton ki shaam yaad aaye purane yaar log
Wo to kahiye aap ki khushboo ne pehchana mujhe
Itr keh kar jaane kya kya bechte attar log
Pehle maangen sar bulandi ki duaen ishq mein
Phir hawas ki chaakri karne lage beemaar log
Aap ki saada-dili se tang aa jata hun main
Mere dil mein reh chuke hain is qadar hoshiyar log
Is jawan mardi ke sadqe jaiye har baat par
Sar katane ke liye rehte hain ab taiyar log
Phelta hi ja raha hai din ba din sahra-e-ishq
Khaak udate phir rahe hain sab ke sab bekar log
Badshahat ho na ho lekin bharam qaem rahe
Har ghadi ghere hue baithe rahen do chaar log
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں