جب پھیر کر نگاہ ہر اپنا پرایا جائے — نعمان شوق
شاعر
جب پھیر کر نگاہ ہر اپنا پرایا جائے
جب پھیر کر نگاہ ہر اپنا پرایا جائے
مشکل یہ ہے کہ ایسے میں کون آزمایا جائے
ہم آگ سے ڈرائے ہوئے لوگ ہیں ہمیں
اک مہرباں ندی کے کنارے بسایا جائے
ہاں تم وفا پرست ہو بھوکا ہوس کا میں
قسمیں نہ کھائی جائیں مجھے کچھ کھلایا جائے
بیمار سے تو پوچھیے اس کو ہے کس کا روگ
چارہ گری کے واسطے کس کو بلایا جائے
دونوں ہی اپنی کشتیاں ضد میں جلا چکے
بہتر ہے ایسے عشق کو اب بھول جایا جائے
آنا نہیں ہے جس کو نہیں آئے گا کبھی
آنکھیں بچھائی جائیں کہ اب دل جلایا جائے
نعمان شوق
Jab pher kar nigah har apna paraya jaaye
Jab pher kar nigah har apna paraya jaaye
Mushkil yeh hai ke aise mein kaun aazmaya jaaye
Hum aag se daraye hue log hain hamein
Ek meharbaan nadi ke kinare basaya jaaye
Haan tum wafa parast ho bhooka hawas ka main
Qasmein na khayi jayen mujhe kuch khilaya jaaye
Beemar se toh poochhiye us ko hai kis ka rog
Chaarah-gari ke waaste kis ko bulaya jaaye
Dono hi apni kashtiyan zid mein jala chuke
Behtar hai aise ishq ko ab bhool jaya jaaye
Aana nahin hai jis ko nahin aaye ga kabhi
Aankhein bichhayi jayen ke ab dil jalaya jaaye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں