جھلک بھی مل نہ پائی زندگی کی — نعمان شوق
شاعر
جھلک بھی مل نہ پائی زندگی کی
جھلک بھی مل نہ پائی زندگی کی
اسے جلدی پڑی تھی واپسی کی
بچاؤ اپنی جلتی بستیوں کو
بہت تعریف کر لی روشنی کی
خداؤں سے بھی گہری چھن رہی ہے
مرے جیسے فسادی آدمی کی
وہ بولے ہنستے ہنستے مرتے جاؤ
عجب یہ شرط ہے زندہ دلی کی
اندھیروں نے بھی چمکایا نہ ہم کو
چراغوں نے بھی ہم سے دل لگی کی
لٹاتے ہو جو اتنا پیار مجھ پر
تمہیں پہچان بھی ہے آدمی کی
کبھی فرصت ملے تو بات کرنا
ضرورت ہے ذرا سی زندگی کی
کہیں یہ طنز تو مجھ پر نہیں ہے
قسم کھاتے ہو ہر دم عاشقی کی
نئی مصروفیت پیدا کرے کون
کسے فرصت ہے بندہ پروری کی
نعمان شوق
Jhalak bhi mil na paayi zindagi ki
Jhalak bhi mil na paayi zindagi ki
Use jaldi padi thi wapsi ki
Bachao apni jalti bastiyon ko
Bahut tareef kar li roshni ki
Khudaon se bhi gehri chhan rahi hai
Mere jaise fasadi aadmi ki
Woh bole hanste hanste marte jao
Ajab ye shart hai zinda dili ki
Andheron ne bhi chamkaya na hum ko
Charaghon ne bhi hum se dillagi ki
Lutate ho jo itna pyar mujh par
Tumhein pehchan bhi hai aadmi ki
Kabhi fursat mile to baat karna
Zaroorat hai zara si zindagi ki
Kahin ye tanz to mujh par nahin hai
Qasam khate ho har dam aashiqi ki
Nayi masroofiyat paida kare kaun
Kise fursat hai banda parwari ki
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں