جسم مصلوب کا یک لخت نیا ہو جانا — نعمان شوق
شاعر
جسم مصلوب کا یک لخت نیا ہو جانا
جسم مصلوب کا یک لخت نیا ہو جانا
سامنے آنا ترا جشن بپا ہو جانا
نصف ایمان پہ ناچیز ٹکا ہے کب سے
مان لیتا نہیں بندے کا خدا ہو جانا
دیر تک اس نے لگائے رکھا سینے سے مجھے
جس سے سیکھا ہے درختوں نے ہرا ہو جانا
دشمن جاں ہو اگر ایسے خداؤں کا ہجوم
ہم نے سیکھا نہیں راضی بہ رضا ہو جانا
آج سر کاٹ کے جنت نہیں مانگی تم نے
ہے بری بات نمازوں کا قضا ہو جانا
ایسے منصوبے کو ناکام کریں گے ہم لوگ
اس میں شامل ہے اگر تیرا خدا ہو جانا
نعمان شوق
Jism masloob ka yak lakht naya ho jaana
Jism masloob ka yak lakht naya ho jaana
Saamne aana tera jashn bapa ho jaana
Nisf iman pe naacheez tika hai kab se
Maan leta nahin bande ka Khuda ho jaana
Der tak us ne lagaye rakha seene se mujhe
Jis se seekha hai darakhton ne hara ho jaana
Dushman-e-jaan ho agar aise Khudaon ka hujoom
Ham ne seekha nahin raazi ba raza ho jaana
Aaj sar kaat ke jannat nahin maangi tum ne
Hai buri baat namazon ka qaza ho jaana
Aise mansoobe ko nakaam karenge hum log
Is mein shamil hai agar tera Khuda ho jaana
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں