جو تیرے ساتھ ذرا دیر تک رکا ہوتا — نعمان شوق
شاعر
جو تیرے ساتھ ذرا دیر تک رکا ہوتا
جو تیرے ساتھ ذرا دیر تک رکا ہوتا
میں اک خیال سے آگے نہیں گیا ہوتا
فقیر لوگ رہے اپنے اپنے حال میں مست
نہیں تو شہر کا نقشہ بدل چکا ہوتا
میں اپنے دل سے مخاطب تھا تاجروں سے نہیں
کہ ناپ تول کے سب کچھ کہا سنا ہوتا
وہ بادشاہ محبت میں ہار بھی جاتے
تو سلطنت کا بڑا کام ہو گیا ہوتا
کوئی تو جاگ گیا ہوتا باغ جلنے تک
مری صدا سے کسی کا بھلا ہوا ہوتا
ہم ایسے لوگ تو اکتا گئے تھے عشق سے بھی
وہ بے وفا نہیں ہوتا تو جانے کیا ہوتا
بھلا ہوا کہ جدا ہو گیا وہ جادوگر
میں بند آنکھیں لئے ساتھ چل رہا ہوتا
نعمان شوق
Jo tere saath zara der tak ruka hota
Jo tere saath zara der tak ruka hota
Main ek khayal se aage nahin gaya hota
Faqeer log rahe apne apne haal mein mast
Nahin to shahar ka naqsha badal chuka hota
Main apne dil se mukhatib tha tajiron se nahin
Ke naap tol ke sab kuchh kaha suna hota
Woh badshah mohabbat mein haar bhi jaate
To saltanat ka baDa kaam ho gaya hota
Koi to jaag gaya hota baagh jalne tak
Meri sada se kisi ka bhala hua hota
Ham aise log to ukta gaye the ishq se bhi
Woh bewafa nahin hota to jaane kya hota
Bhala hua ke juda ho gaya woh jadugar
Main band aankhein liye saath chal raha hota
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں