جز خدا اور کوئی حامی و ناصر مل جائے — نعمان شوق
شاعر
جز خدا اور کوئی حامی و ناصر مل جائے
جز خدا اور کوئی حامی و ناصر مل جائے
لطف آ جائے قسم سے جو وہ کافر مل جائے
اس کی مشکل سے میں واقف ہوں یہی ہے مشکل
یہ بھی اب کہہ نہیں سکتا کہ بظاہر مل جائے
یہ وہی ہیں کہ جنہیں فخر ہے مسماری پر
دل نہیں تو کوئی مسجد کوئی مندر مل جائے
شہر گھبرائے ہوئے ہیں نئی ویرانی سے
دشت آواز لگاتے ہیں مسافر مل جائے
لے کر آیا کہاں صدیوں کا سفر لعنت ہے
کوہ نور آج بھی اس کا جسے نادر مل جائے
چین کی سانس نہ لے پائیں گے سو سال بھی ہم
ہاں بشرطے کوئی اس سے بڑا شاطر مل جائے
نعمان شوق
Juz khuda aur koi haami o nasir mil jaaye
Juz khuda aur koi haami o nasir mil jaaye
Lutf aa jaaye qasam se jo woh kafir mil jaaye
Uski mushkil se main waqif hoon yehi hai mushkil
Ye bhi ab keh nahin sakta ke bazahir mil jaaye
Ye wohi hain ke jinhein fakhr hai mismaari par
Dil nahin to koi masjid koi mandir mil jaaye
Shehar ghabraye hue hain nayi veerani se
Dasht aawaz lagate hain musafir mil jaaye
Le kar aaya kahan sadiyon ka safar laanat hai
Koh-e-noor aaj bhi us ka jise nadir mil jaaye
Chain ki saans na le payenge sau saal bhi hum
Haan basharte koi us se bada shaatir mil jaaye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں