کون اس کو چاہتا میری طرح — نعمان شوق
شاعر
کون اس کو چاہتا میری طرح
کون اس کو چاہتا میری طرح
وہ بھی تنہا ہو گیا میری طرح
کہہ دیا کس نے خدا ملتا نہیں
ڈھونڈیئے اس کا پتہ میری طرح
ٹوٹنا ہی تھا تعلق ایک دن
ہو بہ ہو وہ شخص تھا میری طرح
اس طرف جانے لگے سب راستے
شہر دیوانہ ہوا میری طرح
مفت میں کیوں کیجیئے نیندیں خراب
ہاں اگر وہ جاگتا میری طرح
مل گیا سارا تکبر خاک میں
مٹ گیا میرا لکھا میری طرح
نعمان شوق
Kaun us ko chahta meri tarah
Kaun us ko chahta meri tarah
Woh bhi tanha ho gaya meri tarah
Keh diya kis ne Khuda milta nahin
Dhoondhiye us ka pata meri tarah
Tootna hi tha ta'alluq ek din
Ho bahu woh shakhs tha meri tarah
Is taraf janay lage sab raaste
Shehar deewana hua meri tarah
Muft mein kyon kijiye neendein kharab
Haan agar woh jaagta meri tarah
Mil gaya saara takabbur khaak mein
Mit gaya mera likha meri tarah
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں