خدا معاف کرے زندگی بناتے ہیں — نعمان شوق
شاعر
خدا معاف کرے زندگی بناتے ہیں
خدا معاف کرے زندگی بناتے ہیں
مرے گناہ مجھے آدمی بناتے ہیں
ہوس ہے سارے جہانوں پہ حکمرانی کی
وہ صرف چاند نہیں رات بھی بناتے ہیں
مرے لیے تو مقدس ہیں وہ صحیفے بھی
جو روشنی کے لیے روشنی بناتے ہیں
نہ اس ہجوم میں رکھو مجھے خدا کے لیے
جو شعر کہتے نہیں شاعری بناتے ہیں
تباہ کر تو دوں ظاہر پرست دنیا کو
یہ آئینے بھی مرے لوگ ہی بناتے ہیں
میں آسمان بناتا ہوں میری بات کرو
یہاں تو چاند ستارے سبھی بناتے ہیں
میں شکریہ ادا کرتا ہوں سب رقیبوں کا
یہی اندھیرے مجھے روشنی بناتے ہیں
نعمان شوق
Khuda maaf kare zindagi banate hain
Khuda maaf kare zindagi banate hain
Mere gunah mujhe aadmi banate hain
Hawas hai saare jahanon pe hukmarani ki
Wo sirf chand nahin raat bhi banate hain
Mere liye to muqaddas hain wo saheefe bhi
Jo roshni ke liye roshni banate hain
Na is hujoom mein rakho mujhe Khuda ke liye
Jo sher kehte nahin sha'iri banate hain
Tabah kar to dun zahir-parast duniya ko
Yeh aaine bhi mere log hi banate hain
Main aasman banata hun meri baat karo
Yahan to chand sitare sabhi banate hain
Main shukriya ada karta hun sab raqeebon ka
Yahi andhere mujhe roshni banate hain
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں