کس نے ہمارے شہر پہ ماری ہے روشنی — نعمان شوق
شاعر
کس نے ہمارے شہر پہ ماری ہے روشنی
کس نے ہمارے شہر پہ ماری ہے روشنی
ہر اک مکاں کے زخم سے جاری ہے روشنی
بچ بچ کے چل رہا ہوں ستاروں کی چال سے
اب تک مرے حواس پہ طاری ہے روشنی
دل کو محبتوں سے کیا تو نے مالا مال
خوش باش تیرگی میں اتاری ہے روشنی
اک رات ہر چراغ کی لو کاٹ دی گئی
اور وہ بھی چپ رہے جنہیں پیاری ہے روشنی
لذت کو ایک حد پہ ٹھہرنے نہیں دیا
تم نے بدن کے پار گزاری ہے روشنی
سایوں سے ڈر کے چیخ پڑے تھے یہی تو ہیں
ان کو بھی زعم ہے کہ ہماری ہے روشنی
نعمان شوق
Kis ne hamare shehar pe maari hai roshni
Kis ne hamare shehar pe maari hai roshni
Har ek makaan ke zakhm se jaari hai roshni
Bach bach ke chal raha hoon sitaron ki chaal se
Ab tak mere hawas pe taari hai roshni
Dil ko muhabbaton se kiya tu ne mala maal
Khush bash teergi mein utaari hai roshni
Ek raat har charagh ki lau kaat di gayi
Aur woh bhi chup rahe jinhein pyari hai roshni
Lazzat ko ek had pe theharne nahin diya
Tum ne badan ke paar guzari hai roshni
Sayon se dar ke cheekh pade the yehi to hain
In ko bhi za'am hai ke hamari hai roshni
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں