کچھ ہمیں چھوٹ بھی مل جائے خرافات کی اب — نعمان شوق
شاعر
کچھ ہمیں چھوٹ بھی مل جائے خرافات کی اب
کچھ ہمیں چھوٹ بھی مل جائے خرافات کی اب
ہم جو مامور ہیں تائید پہ ہر بات کی اب
اپنی مصروفیت آپ اور بڑھاتے جائیں
ہم تو عرضی لئے جاتے ہیں ملاقات کی اب
ہجر کا چاند ضرورت سے زیادہ روشن
رونقیں ایسے بڑھاؤ گے مری رات کی اب
ناچ کر تھک چکے سب تیرے خریدے ہوئے مور
جھوٹ کی فصل کو امید ہے برسات کی اب
عدل کیا ملنا ہے کشکول بچا رہ جائے
صرف زنجیر ہلاتے رہو خیرات کی اب
نعمان شوق
Kuchh hamein chhoot bhi mil jaaye khurafaat ki ab
Kuchh hamein chhoot bhi mil jaaye khurafaat ki ab
Hum jo mamoor hain taaeed pe har baat ki ab
Apni masroofiyat aap aur barhaate jaayen
Hum to arzi liye jaate hain mulaqat ki ab
Hijr ka chand zaroorat se zyada roshan
Rounaqein aise barhaoge meri raat ki ab
Naach kar thak chuke sab tere khareede hue mor
Jhoot ki fasl ko umeed hai barsaat ki ab
Adl kya milna hai kashkol bacha reh jaaye
Sirf zanjeer hilate raho khairaat ki ab
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں