کیوں بھلا آدھا ادھورا عشق کیجے — نعمان شوق
شاعر
کیوں بھلا آدھا ادھورا عشق کیجے
کیوں بھلا آدھا ادھورا عشق کیجے
شعر کہیے عشق پر یا عشق کیجے
جو لکھا ہے جو پڑھا ہے جو کیا ہے
سب بھلا دے گی یہ دنیا عشق کیجے
ہے سوائے عشق خود مختار کوئی
عشق کے دم سے ہے دنیا عشق کیجے
آپ لا ثانی ہیں لا فانی بھی ہیں کیا
روئیے مت ایک سچا عشق کیجے
یہ زمانے کا گلہ کیوں اور کب تک
کچھ نہیں ہے یہ زمانہ عشق کیجے
میرے مرشد نے کہا پھر مسکرا کر
اور کھل اٹھے گا چہرہ عشق کیجے
نعمان شوق
Kyun bhala aadha adhura ishq kijiye
Kyun bhala aadha adhura ishq kijiye
Shair kahiye ishq par ya ishq kijiye
Jo likha hai jo paRha hai jo kiya hai
Sab bhula degi yeh duniya ishq kijiye
Hai siwaye ishq khud mukhtar koi
Ishq ke dam se hai duniya ishq kijiye
Aap la-saani hain la-faani bhi hain kya
Roiye mat ek sachcha ishq kijiye
Yeh zamane ka gila kyun aur kab tak
Kuchh nahin hai yeh zamana ishq kijiye
Mere murshid ne kaha phir muskura kar
Aur khil uThega chehra ishq kijiye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں