لاکھ کوئی چیخے چلائے شور اندر کب آتا ہے — نعمان شوق
شاعر
لاکھ کوئی چیخے چلائے شور اندر کب آتا ہے
لاکھ کوئی چیخے چلائے شور اندر کب آتا ہے
ان کی بستی کے نقشے میں اپنا گھر کب آتا ہے
جانے کب سے جاگ رہے ہیں بس اتنا بتلا دو اب
جس کے خواب دکھاتے ہو تم وہ منظر کب آتا ہے
گمراہی پھیلانے والے روز اندھیرا لاتے ہیں
روز ہدایت دینے والا پیغمبر کب آتا ہے
اس کی آنکھیں پل دو پل ہی تو چہرے سے ہٹتی ہیں
دل کا سارا درد سمٹ کر ہونٹھوں پر کب آتا ہے
وہ تو یہ ہی کہیں گے سارا جنگل بالکل چین سے ہے
ان کی شاخ پہ کوئی پرندہ خون میں تر کب آتا ہے
نعمان شوق
Laakh koi cheekhe chillaye shor andar kab aata hai
Laakh koi cheekhe chillaye shor andar kab aata hai
Un ki basti ke naqshe mein apna ghar kab aata hai
Jaane kab se jaag rahe hain bas itna batla do ab
Jis ke khwab dikhate ho tum woh manzar kab aata hai
Gumrahi phailane wale roz andhera laate hain
Roz hidayat dene wala paighambar kab aata hai
Uski aankhein pal do pal hi to chehre se hatti hain
Dil ka saara dard samet kar honthon par kab aata hai
Woh to yeh hi kahenge saara jangal bilkul chain se hai
Un ki shaakh pe koi parinda khoon mein tar kab aata hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں