معبدوں کی بھیڑ میں بجھتے یہ انسانی چراغ — نعمان شوق
شاعر
معبدوں کی بھیڑ میں بجھتے یہ انسانی چراغ
معبدوں کی بھیڑ میں بجھتے یہ انسانی چراغ
کاش خود میں ڈھونڈھ پاتے کوئی لافانی چراغ
سب دشاؤں سے امڈتی آندھیوں کا شور سن
کم نہیں ہوگی ابھی تیری پریشانی چراغ
روشنی آنکھوں کی لے لے گا پری زادوں کا شہر
حد تو یہ ہے اور پھیلاتے ہیں عریانی چراغ
اس نے آ کر لو بڑھا دی خواہشوں کی ایک شب
میں نے پہلی بار دیکھا ایسا لا ثانی چراغ
دیکھیے روحوں کو ان سے روشنی کتنی ملے
رات دن جلتے ہیں جو مسجد میں جسمانی چراغ
بے قراری کا کوئی تو حل نکلنا چاہیے
آ تجھے لپٹا لوں میرے دشمن جانی چراغ
جلتے جسموں کی قطاریں دور تک جاتی ہوئیں
روشنی کے نام پر ہر سمت حیوانی چراغ
باغ و صحرا جس طرف جاؤں وہیں موجود تم
اک خدا کی سلطنت اور ایک انسانی چراغ
نعمان شوق
Ma'badon ki bhiiD mein bujhte ye insaani charaagh
Ma'badon ki bhiiD mein bujhte ye insaani charaagh
Kaash khud mein DhoonDh paate koi la-faani charaagh
Sab dishaaon se umaDti aandhiyon ka shor sun
Kam nahin hogi abhi teri pareshaani charaagh
Roshni aankhon ki le lega pari-zaadon ka shahar
Had to ye hai aur phailaate hain uryaani charaagh
Us ne aa kar lau baDha di khwahishon ki ek shab
Main ne pahli baar dekha aisa laa-saani charaagh
Dekhiye roohon ko un se roshni kitni mile
Raat din jalte hain jo masjid mein jismani charaagh
Be-qaraari ka koi to hal nikalna chahiye
Aa tujhe lipta loon mere dushman-e-jaani charaagh
Jalte jismon ki qatarein duur tak jaati hueen
Roshni ke naam par har simt haiwaani charaagh
Bagh-o-sahra jis taraf jaaun wahin maujood tum
Ek Khuda ki saltanat aur ek insaani charaagh
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں