میں نے بھی اپنے دھیان میں اپنا سفر کیا — نعمان شوق
شاعر
میں نے بھی اپنے دھیان میں اپنا سفر کیا
میں نے بھی اپنے دھیان میں اپنا سفر کیا
اس نے بھی راستے کو ذرا مختصر کیا
پوچھو کہ اس کے ذہن میں نقشہ بھی ہے کوئی
جس نے بھرے جہان کو زیر و زبر کیا
سب فاصلے مری ہی خطا تھے مجھے قبول
لیکن تری صدا نے بھی کتنا سفر کیا
اک روز بڑھ کے چوم لیے میں نے اس کے ہونٹ
اپنے تمام زہر کو یوں بے اثر کیا
وہ ورد کر رہا تھا کسی اور نام کا
تعویذ نے مریض پہ الٹا اثر کیا
مجھ کو تھی ناپسند اسے شاعری پسند
تھک ہار کے یہ عیب بھی آخر ہنر کیا
نعمان شوق
Maine bhi apne dhyan mein apna safar kiya
Maine bhi apne dhyan mein apna safar kiya
Usne bhi raste ko zara mukhtasar kiya
Poochho ke uske zehen mein naqsha bhi hai koi
Jisne bhare jahan ko zer-o-zabar kiya
Sab fasle meri hi khata the mujhe qubool
Lekin teri sada ne bhi kitna safar kiya
Ek roz badh ke choom liye maine uske honth
Apne tamam zeher ko yoon be-asar kiya
Woh wird kar raha tha kisi aur naam ka
Taveez ne mareez pe ulta asar kiya
Mujhko thi napasand use shayari pasand
Thak haar ke yeh aib bhi aakhir hunar kiya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں