منصب سے محبت کی سبک دوش ہوا میں — نعمان شوق
شاعر
منصب سے محبت کی سبک دوش ہوا میں
منصب سے محبت کی سبک دوش ہوا میں
آواز لگاتے رہو خاموش ہوا میں
اس بار وہ شعلہ نئے انداز سے بھڑکا
اک آن میں سو بار سیہ پوش ہوا میں
ایمان کا فقدان تو پہلے کی طرح تھا
اک نعرۂ تکبیر سے پرجوش ہوا میں
کچھ نقص تھا توبہ میں اسی کی تو ہوا یہ
یاد آ گیا یک لخت فراموش ہوا میں
اس بار ترے جسم کی خوشبو ہی الگ تھی
پتھر ہوا جاتا تھا ہم آغوش ہوا میں
اصرار تھا اعلان محبت پہ سبھی کو
اس درجہ بڑھا شور گراں گوش ہوا میں
نعمان شوق
Mansab se mohabbat ki subuk-dosh hua main
Mansab se mohabbat ki subuk-dosh hua main
Aawaaz lagaate raho khaamosh hua main
Is baar woh shola naye andaaz se bhaDka
Ek aan mein sau baar siyah-posh hua main
Imaan ka fuqdaan to pehle ki tarah tha
Ek na'ra-e-takbeer se purjosh hua main
Kuchh nuqs tha tauba mein usi ki to hua ye
Yaad aa gaya yak-lakht faraamosh hua main
Is baar tere jism ki khushboo hi alag thi
Patthar hua jaata tha ham-aaghosh hua main
Israar tha a'laan-e-mohabbat pe sabhi ko
Is darja baDha shor giraan-gosh hua main
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں