میری آنکھوں میں دمکتا ہوا چہرہ اس کا — نعمان شوق
شاعر
میری آنکھوں میں دمکتا ہوا چہرہ اس کا
میری آنکھوں میں دمکتا ہوا چہرہ اس کا
کب سے جزدان میں رکھا ہے صحیفہ اس کا
وہ پرندہ جسے جنگل کی ہوا بھی نہ لگی
لوگ ہر شاخ سے دکھلائیں گے رشتہ اس کا
صاف بچ جاتے مرے ہاتھ قلم ہونے سے
کاش میں نے بھی لکھا ہوتا قصیدہ اس کا
کون ہے جو اسے کہتا ہے اندھیروں کا نقیب
شام ہوتی ہے تو کھل اٹھتا ہے چہرہ اس کا
ہنس رہا ہوگا کسی شاخ کے پیچھے سورج
پیڑ سے چھین رہا ہے کوئی سایہ اس کا
نعمان شوق
Meri aankhon mein damakta hua chehra us ka
Meri aankhon mein damakta hua chehra us ka
Kab se jildan mein rakha hai saheefa us ka
Woh parinda jise jangal ki hawa bhi na lagi
Log har shakh se dikhlayenge rishta us ka
Saaf bach jaate mere haath qalam hone se
Kash main ne bhi likha hota qaseeda us ka
Kaun hai jo use kehta hai andheron ka naqeeb
Sham hoti hai to khul uThta hai chehra us ka
Hans raha hoga kisi shakh ke peeche suraj
PeD se chheen raha hai koi saya us ka
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں