مدت پہ ملی ٹوٹ کے برسات ہماری — نعمان شوق
شاعر
مدت پہ ملی ٹوٹ کے برسات ہماری
مدت پہ ملی ٹوٹ کے برسات ہماری
پھر عشق مصلے پہ کٹی رات ہماری
اس بار بھی نافہ میں ذرا مشک نہ نکلا
اس بار بھی بے کار گئی گھات ہماری
ہم مسجد و منبر کی ضرورت سے سوا تھے
دیکھی نہیں دنیا نے کرامات ہماری
اس رات تو ہم جسم کے حجرے سے نہ نکلے
اس رات ہوئی اتنی مدارات ہماری
اس بار ہے محور ہی کوئی اور زمیں کا
سردی ہے نہ گرمی ہے نہ برسات ہماری
حامی نہ بھری عشق کے منشور پہ اس نے
بے کار گئی یہ بھی ملاقات ہماری
اللہ کے بندوں کا وہی خوف ہے دل میں
اس بار بھی سجدے میں کٹی رات ہماری
نعمان شوق
Muddat pe mili toot ke barsaat hamari
Muddat pe mili toot ke barsaat hamari
Phir ishq musalle pe kaṭi raat hamari
Is baar bhi naafa mein zara mushk na nikla
Is baar bhi bekaar gayi ghaat hamari
Ham masjid o mimbar ki zarurat se siwa the
Dekhi nahin duniya ne karamaat hamari
Us raat to hum jism ke hujre se na nikle
Us raat hui itni madaraat hamari
Is baar hai mehwar hi koi aur zameen ka
Sardi hai na garmi hai na barsaat hamari
Haami na bhari ishq ke manshoor pe us ne
Bekaar gayi ye bhi mulaqaat hamari
Allah ke bandon ka wahi khauf hai dil mein
Is baar bhi sajde mein kaṭi raat hamari
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں