مجھ عشق کو ہوس بھری نظریں عطا کرے — نعمان شوق
شاعر
مجھ عشق کو ہوس بھری نظریں عطا کرے
مجھ عشق کو ہوس بھری نظریں عطا کرے
انسان سے یہ ہو نہیں سکتا خدا کرے
جب تالیوں کا زور ضمانت ہو جیت کی
کرتا وہی ہے شاہ جو خواجہ سرا کرے
ان مسخروں کو آپ تو آتی نہیں ہنسی
مرتا ہے کوئی ان کی بلا سے مرا کرے
بندہ بھی تو بنا ہے کسی کام کے لئے
یہ کیا کہ اب تو جو بھی کرے بس خدا کرے
خوش ہو کے اپنا کون سا نقصان ہو گیا
روئے سخن کسی کی طرف وہ کیا کرے
دو اک گناہ بھی کرے یہ آدمی کہ بس
تا عمر مغفرت کے لئے ہی دعا کرے
نعمان شوق
Mujh ishq ko hawas bhari nazrein ataa kare
Mujh ishq ko hawas bhari nazrein ataa kare
Insan se yeh ho nahin sakta Khuda kare
Jab taaliyon ka zor zamanat ho jeet ki
Karta wahi hai shah jo Khwaja sara kare
In maskharon ko aap ko aati nahin hansi
Marta hai koi un ki bala se mara kare
Banda bhi to bana hai kisi kaam ke liye
Yeh kya ke ab to jo bhi kare bas Khuda kare
Khush ho ke apna kaun sa nuqsan ho gaya
Ruye sukhan kisi ki taraf woh kya kare
Do ek gunah bhi kare yeh aadmi ke bas
Ta umar maghfirat ke liye hi dua kare
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں