مجھے کچھ یاد آتا ہے — نعمان شوق
شاعر
مجھے کچھ یاد آتا ہے
تمہارے شہر کو چھوڑے ہوئے
اکیس دن
اکیس راتیں
اور کچھ پرکار لمحے ہو چکے ہیں
مرے اعمال نامے پر کسی بے جان جذبے کا
اور ادھورا جسم جلتا ہے
وہاں جب دن نکلتا ہے
وہاں جب شام ہوتی ہے
کسی کے وائلن جیسے بدن پر
نرم دھوپوں کے نکھرتے سائے
اپنی سرمئی آنکھوں سے
دکھ کے راگ گاتے ہیں
وہاں جب رات ہوتی ہے
مرے اندھے مشاموں سے
کوئی خوشبو نکل کر پھیل جاتی ہے
محبت کے کسی شفاف لمحے کا منور جسم
مری بے کراں تنہائیوں میں
جگمگاتا ہے
مجھے کچھ یاد آتا ہے
نعمان شوق
Mujhe kuch yaad aata hai
Tumhare shahar ko chhode hue
Ikis din
Ikis raatein
Aur kuch parkaar lamhe ho chuke hain
Mere a'amal naame par kisi be-jaan jazbe ka
Aur adhoora jism jalta hai
Wahan jab din nikalta hai
Wahan jab shaam hoti hai
Kisi ke violin jaise badan par
Narm dhoopon ke nikhartay saaye
Apni surmayi aankhon se
Dukh ke raag gaate hain
Wahan jab raat hoti hai
Mere andhe mashamon se
Koi khushboo nikal kar phail jaati hai
Mohabbat ke kisi shaffaaf lamhe ka munawwar jism
Meri be-karaan tanhaiyon mein
Jagmagata hai
Mujhe kuch yaad aata hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں