نام سے اس کے پکاروں خود کو — نعمان شوق
شاعر
نام سے اس کے پکاروں خود کو
نام سے اس کے پکاروں خود کو
آج حیران ہی کر دوں خود کو
دست بردار ہوا وہ مجھ سے
اب میں جس طرح لٹاؤں خود کو
میرے حصے میں مرا کچھ بھی نہیں
اس سے مل جاؤں تو پاؤں خود کو
نام ہی لے لے تمہارا کوئی
دونوں ہاتھوں سے لٹاؤں خود کو
بن چکا جتنا مجھے بننا تھا
چھین کر چاک سے پھینکوں خود کو
نعمان شوق
Naam se us ke pukaron khud ko
Naam se us ke pukaron khud ko
Aaj hairan hi kar doon khud ko
Dastbardar hua wo mujh se
Ab main jis tarah lutaaun khud ko
Mere hisse mein mera kuchh bhi nahin
Us se mil jaaun to paaun khud ko
Naam hi le le tumhara koi
Donon haathon se lutaaun khud ko
Ban chuka jitna mujhe banna tha
Chheen kar chaak se phenkun khud ko
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں