نہیں کہ تب کوئی کاغذ قلم نہ ہوتا تھا — نعمان شوق
شاعر
نہیں کہ تب کوئی کاغذ قلم نہ ہوتا تھا
نہیں کہ تب کوئی کاغذ قلم نہ ہوتا تھا
وہ حسن ہی تھا قیامت رقم نہ ہوتا تھا
ہر آدمی کو وہاں ملتی اس کے کام کی داد
خدا کا نام خدا کی قسم نہ ہوتا تھا
تو کیا سناتا فرشتوں کو میں کلام جہاں
کسی کی باتوں میں پہلوئے ذم نہ ہوتا تھا
ذرا سی پی تھی کبھی جاہلوں کے ساتھ شراب
نشہ تھا علم کا ایسا کہ کم نہ ہوتا تھا
دو ایک بار تو جیتے بھی کھیل کھیل میں ہم
مگر ملال ذرا بیش و کم نہ ہوتا تھا
ہمیں ہی مرنا پڑا اپنا حال لکھنے کو
کسی کا درد کسی سے رقم نہ ہوتا تھا
بہائے جاتا تھا سیلاب آنسوؤں کا ہمیں
کسی کی آنکھ کا کونا بھی نم نہ ہوتا تھا
نعمان شوق
Nahin ke tab koi kaghaz qalam na hota tha
Nahin ke tab koi kaghaz qalam na hota tha
Woh husn hi tha qayamat raqam na hota tha
Har aadmi ko wahan milti us ke kaam ki daad
Khuda ka naam khuda ki qasam na hota tha
Toh kya sunata farishton ko main kalaam jahan
Kisi ki baaton mein pehlo-e-zim na hota tha
Zara si pi thi kabhi jahilon ke saath sharaab
Nasha tha ilm ka aisa ke kam na hota tha
Do ek baar toh jeet-te bhi khel khel mein hum
Magar malaal zara besh-o-kam na hota tha
Hamein hi marna pada apna haal likhne ko
Kisi ka dard kisi se raqam na hota tha
Bahaye jata tha sailaab aansuon ka hamein
Kisi ki aankh ka kona bhi nam na hota tha
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں