پتہ سب ہے ستائش اور ہوگی — نعمان شوق
شاعر
پتہ سب ہے ستائش اور ہوگی
پتہ سب ہے ستائش اور ہوگی
مری شہرت کی سازش اور ہوگی
بڑھے گا اور سونا پن زمیں کا
یہاں جتنی رہائش اور ہوگی
ہمارا ساتھ یوں بھی چھوٹنا تھا
ابھی تو آزمائش اور ہوگی
تو کیا ہم ہار دل سے مان جائیں
نہیں اک بار کوشش اور ہوگی
میں طعنے سن چکا ہوں شہر بھر کے
ابھی اس کی نوازش اور ہوگی
نہ چھوڑو گے اگر انکار کی لت
جو خواہش ہے وہ خواہش اور ہوگی
نعمان شوق
Pata sab hai sitaish aur hogi
Pata sab hai sitaish aur hogi
Meri shohrat ki saazish aur hogi
Badhega aur soona pan zameen ka
Yahan jitni rihayish aur hogi
Hamara saath yoon bhi chhootna tha
Abhi to aazmaish aur hogi
To kya hum haar dil se maan jaayen
Nahin ik baar koshish aur hogi
Main taane sun chuka hoon shehar bhar ke
Abhi uski nawazish aur hogi
Na chhodo ge agar inkar ki lat
Jo khwahish hai woh khwahish aur hogi
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں