پوچھتا ہے مجھ سے کیا ہو جاؤں میں — نعمان شوق
شاعر
پوچھتا ہے مجھ سے کیا ہو جاؤں میں
پوچھتا ہے مجھ سے کیا ہو جاؤں میں
یہ اشارہ ہے فنا ہو جاؤں میں
ایک رکعت کی نہیں کوئی نماز
تو عطا ہو تو ادا ہو جاؤں میں
امتحاں لے لوں میں سازندوں کا کیا
گاتے گاتے بے سرا ہو جاؤں میں
تو کسی کا ہے مگر ہے تو وہی
کیا پتہ پھر مبتلا ہو جاؤں میں
اس کی پہلی ہی نظر ہے کیمیا
دیکھ لے تو دوسرا ہو جاؤں میں
سوچ لو اچھی طرح ایسا نہ ہو
انتقاماً باوفا ہو جاؤں میں
نعمان شوق
Poochhta hai mujh se kya ho jaun main
Poochhta hai mujh se kya ho jaun main
Yeh ishara hai fana ho jaun main
Ek rakat ki nahin koi namaz
Tu ata ho toh ada ho jaun main
Imtihan le loon main saazindon ka kya
Gaate gaate be-sura ho jaun main
Tu kisi ka hai magar hai toh wahi
Kya pata phir mubtala ho jaun main
Us ki pehli hi nazar hai keemiya
Dekh le toh doosra ho jaun main
Soch lo achhi tarah aisa na ho
Intiqaman ba-wafa ho jaun main
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں