قاعدے بازار کے اس بار الٹے ہو گئے — نعمان شوق
شاعر
قاعدے بازار کے اس بار الٹے ہو گئے
قاعدے بازار کے اس بار الٹے ہو گئے
آپ تو آئے نہیں پر پھول مہنگے ہو گئے
ایک دن دونوں نے اپنی ہار مانی ایک ساتھ
ایک دن جس سے جھگڑتے تھے اسی کے ہو گئے
مجھ کو اس حسن نظر کی داد ملنی چاہئے
پہلے سے اچھے تھے جو کچھ اور اچھے ہو گئے
مدتوں سے ہم نے کوئی خواب بھی دیکھا نہیں
مدتوں اک شخص کو جی بھر کے دیکھے ہو گئے
بس ترے آنے کی اک افواہ کا ایسا اثر
کیسے کیسے لوگ تھے بیمار اچھے ہو گئے
نعمان شوق
Qa'ide bazaar ke is baar ulte ho gaye
Qa'ide bazaar ke is baar ulte ho gaye
Aap to aaye nahin par phool mahange ho gaye
Ek din donon ne apni haar maani ek saath
Ek din jis se jhagadte the usi ke ho gaye
Mujh ko us husn-e-nazar ki daad milni chahiye
Pehle se acche the jo kuch aur acche ho gaye
Muddaton se hum ne koi khwab bhi dekha nahin
Muddaton ek shakhs ko jee bhar ke dekhe ho gaye
Bas tere aane ki ek afwah ka aisa asar
Kaise kaise log the beemaar acche ho gaye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں