ثانی نہیں تھا اس کا کوئی بانکپن میں رات — نعمان شوق
شاعر
ثانی نہیں تھا اس کا کوئی بانکپن میں رات
ثانی نہیں تھا اس کا کوئی بانکپن میں رات
انگڑائی لے کے جاگ اٹھی تھی بدن میں رات
بیہودہ روشنی کی اذیت تھی شہر میں
سو ہم نے طے کیا کہ گزاریں گے بن میں رات
کل تم نے حال بھی نہیں پوچھا غریب کا
کس طرح کاٹنی پڑی اپنے بدن میں رات
جس نے سبھی کو رنگ لیا اپنے رنگ میں
سچ پوچھیے تو طاق ہے بس ایک فن میں رات
اوقات مہر و ماہ کی معلوم تب ہوئی
جب ہم گزار آئے تری انجمن میں رات
چنتا رہا تمام شب اس کے بدن سے پھول
ایسا لگا کہ تھم سی گئی ہو چمن میں رات
نعمان شوق
Saani nahin tha is ka koi baankpan mein raat
Saani nahin tha is ka koi baankpan mein raat
AngDai le ke jaag uThi thi badan mein raat
Behuda roshni ki aziyat thi shahar mein
So ham ne tai kiya ki guzaarein ge ban mein raat
Kal tum ne haal bhi nahin poochha ghareeb ka
Kis tarah kaaTni paDi apne badan mein raat
Jis ne sabhi ko rang liya apne rang mein
Sach poochhiye to taaq hai bas ek fan mein raat
Auqaat-e-mehar-o-maah ki maloom tab hui
Jab ham guzaar aaye teri anjuman mein raat
Chunta raha tamam shab us ke badan se phool
Aisa laga ki tham si gai ho chaman mein raat
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں