سب فنا ہوتے ہوئے شہر ہیں نگرانی میں — نعمان شوق
شاعر
سب فنا ہوتے ہوئے شہر ہیں نگرانی میں
سب فنا ہوتے ہوئے شہر ہیں نگرانی میں
چاند بن کر اتر آؤ مری طغیانی میں
آئے تو ہوں گے بہت خاک اڑانے والے
میں اضافہ ہوں ترے دشت کی ویرانی میں
کیا ہے آئینے سے باہر کوئی آتا ہی نہیں
لوگ سب قید ہوئے جاتے ہیں حیرانی میں
جس میں عشق اور ہوس کا کوئی جھگڑا ہی نہیں
ایک صحرا تو ہے ایسا مری سلطانی میں
سب دل آویز تبسم پہ ہی مر مٹتے ہیں
جھانکتا کون ہے تصویر کی ویرانی میں
نعمان شوق
Sab fana hote hue shahar hain nigrani mein
Sab fana hote hue shahar hain nigrani mein
Chand ban kar utar aao meri tughyani mein
Aayen to honge bahut khaak udane wale
Main izafa hoon tere dasht ki veerani mein
Kya hai aaine se bahar koi aata hi nahin
Log sab qaid hue jaate hain hairani mein
Jis mein ishq aur hawas ka koi jhagda hi nahin
Ek sahra to hai aisa meri sultani mein
Sab dil-awez tabassum pe hi mar mitte hain
Jhankta kaun hai tasveer ki veerani mein
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں