سب پھول اٹھا لائے تھے جس دام میں آئے — نعمان شوق
شاعر
سب پھول اٹھا لائے تھے جس دام میں آئے
سب پھول اٹھا لائے تھے جس دام میں آئے
صد شکر مرے بھیجے ہوئے کام میں آئے
جوگی کو نئے پھیرے کی فرصت ہی کہاں اب
ملنا ہو جسے حجرۂ بدنام میں آئے
یہ باغ مناسب ہی نہیں سیر کی خاطر
سب زاغ و زغن دیدۂ گلفام میں آئے
فرمان یہ جاری کیا اس نے کہ مرا نام
آئے بھی اگر بھول سے دشنام میں آئے
چوم آئے ترے دھوکے میں دہلیز کسی کی
کچھ شکل و شباہت بھی در و بام میں آئے
گردش نے زمانے کی تو بس خون نچوڑا
راس آئی ہمیں رات نہ دن کام میں آئے
نعمان شوق
Sab phool utha laaye the jis daam mein aaye
Sab phool utha laaye the jis daam mein aaye
Sad shukr mere bheje hue kaam mein aaye
Jogi ko naye phere ki fursat hi kahan ab
Milna ho jise hujra-e-badnaam mein aaye
Yeh baagh munasib hi nahin sair ki khaatir
Sab zaagh-o-zaghan deeda-e-gulfam mein aaye
Farman yeh jaari kiya us ne keh mira naam
Aaye bhi agar bhool se dushnaam mein aaye
Chum aaye tere dhoke mein dehleez kisi ki
Kuchh shakl-o-shabahat bhi dar-o-baam mein aaye
Gardish ne zamane ki to bas khoon nichoda
Raas aai hamein raat na din kaam mein aaye
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں