سبھی کو مسکرا کر مار ڈالا — نعمان شوق
شاعر
سبھی کو مسکرا کر مار ڈالا
سبھی کو مسکرا کر مار ڈالا
بچے ہم سو ڈرا کر مار ڈالا
یہ قبرستان اس کی ملکیت ہے
نیا نقشہ دکھا کر مار ڈالا
محبت میں فنا ہونا نہیں تھا
کسی نے ورغلا کر مار ڈالا
ان آنکھوں کا بڑا سودا تھا ہم کو
ہمیں آنکھیں دکھا کر مار ڈالا
لطیفے خوب خدمت گار کے تھے
ہمیں تو کل ہنسا کر مار ڈالا
بس اک مجنوں ہی تھا مد مقابل
اسے صحرا میں جا کر مار ڈالا
نعمان شوق
Sabhi ko muskura kar maar daala
Sabhi ko muskura kar maar daala
Bache hum so dara kar maar daala
Yeh qabristan us ki malkiyat hai
Naya naqsha dikha kar maar daala
Mohabbat mein fana hona nahin tha
Kisi ne wargala kar maar daala
In aankhon ka bada sauda tha hum ko
Hamein aankhein dikha kar maar daala
Lateefe khoob khidmatgaar ke the
Hamein toh kal hansa kar maar daala
Bas ek Majnoon hi tha mad-e-muqabil
Usay sehra mein ja kar maar daala
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں