سہمے گنبد اور کبوتر رات بھر — نعمان شوق
شاعر
سہمے گنبد اور کبوتر رات بھر
سہمے گنبد اور کبوتر رات بھر
سسکیاں لیتے ہیں مل کر رات بھر
جسم کی سب خانقاہوں میں سماع
اور سڑکوں پر قلندر رات بھر
میری آنکھوں میں اداسی بھر گئے
بارشوں میں بھیگتے گھر رات بھر
اب نہ کر ان مجلسی راتوں کا ذکر
اب جگاتا ہے کوئی ڈر رات بھر
چاند کو میں کہہ دیا کل صاف صاف
کون دیکھے ایک منظر رات بھر
کاش میری صبح اس کے ساتھ ہو
جو رہا ہے میرے اندر رات بھر
اک جھلک دکھلا کے چھپ جاتے ہو تم
اور تڑپتا ہے سمندر رات بھر
کسمساتا جاگتا سوتا رہا
رنگ میں ڈوبا وہ پیکر رات بھر
نعمان شوق
Sehme gumbad aur kabootar raat bhar
Sehme gumbad aur kabootar raat bhar
Siskiyyan lete hain mil kar raat bhar
Jism ki sab khanqahon mein samaa'
Aur sadkon par qalandar raat bhar
Meri aankhon mein udasi bhar gaye
Baarishon mein bheegte ghar raat bhar
Ab na kar un majlisi raaton ka zikr
Ab jagata hai koi dar raat bhar
Chaand ko main keh diya kal saaf saaf
Kaun dekhe ek manzar raat bhar
Kaash meri subah us ke saath ho
Jo raha hai mere andar raat bhar
Ek jhalak dikhla ke chhup jate ho tum
Aur tadapta hai samundar raat bhar
Kismisata jagta sota raha
Rang mein dooba woh paikar raat bhar
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں