صحرا و شہر سب سے آزاد ہو رہا ہوں — نعمان شوق
شاعر
صحرا و شہر سب سے آزاد ہو رہا ہوں
صحرا و شہر سب سے آزاد ہو رہا ہوں
اپنے کہے کنارے آباد ہو رہا ہوں
یا حسن بڑھ گیا ہے حد سے زیادہ اس کا
یا میں ہی اپنے فن میں استاد ہو رہا ہوں
اس بار دل کے رستے حملہ کرے گی دنیا
سرحد بنا رہا ہوں فولاد ہو رہا ہوں
چالاک کم نہیں ہے محبوب ہے جو میرا
میں بھی سنبھل سنبھل کر فرہاد ہو رہا ہوں
روح و بدن برابر لفظوں میں ڈھل رہے ہیں
اک تجربے سے میں بھی ایجاد ہو رہا ہوں
تھوڑا بہت مجھے بھی سننے لگی ہے دنیا
تیری زباں سے شاید ارشاد ہو رہا ہوں
نعمان شوق
Sehra o shahr sab se azad ho raha hun
Sehra o shahr sab se azad ho raha hun
Apne kahe kinare aabad ho raha hun
Ya husn baDh gaya hai had se zyada us ka
Ya main hi apne fan mein ustad ho raha hun
Is bar dil ke raste hamla karegi duniya
Sarhad bana raha hun faulad ho raha hun
Chalak kam nahin hai mahboob hai jo mera
Main bhi sambhal sambhal kar Farhad ho raha hun
Rooh o badan barabar lafzon mein Dhal rahe hain
Ek tajurbe se main bhi ijaad ho raha hun
DhoDa bahut mujhe bhi sunne lagi hai duniya
Teri zaban se shayad irshad ho raha hun
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں