شاہ زماں نے بھیج دیا ریشمی لباس — نعمان شوق
شاعر
شاہ زماں نے بھیج دیا ریشمی لباس
شاہ زماں نے بھیج دیا ریشمی لباس
لیکن فقیر کا ہے وہی سرمدی لباس
ہے جسم کے سوا بھی خدا کی دکان میں
عریانیوں کو ڈھانپنے والا کوئی لباس
خوش ہونے کا یہ سوانگ بہت دیر ہو چکا
صندوق سے نکالو مرا ماتمی لباس
سوچا تمہیں گلے سے لگایا پہن لیا
تم ہو کبھی خیال کبھی تن کبھی لباس
اس بار روشنی سے ہے جنگ آر پار کی
شاموں سے جس نے چھین لیے سرمئی لباس
جاری رہے گا تا بہ ابد یہ طواف حسن
آنکھوں میں پھر رہا ہے ترا موسمی لباس
تقریر سن کے وہ بھی بجاتے ہیں تالیاں
پہنا دیا گیا ہے جنہیں آخری لباس
اس روز جھوم جھوم کے ناچے ہیں ضد میں وہ
جس دن بدن پہ دیکھ لیا ماتمی لباس
نعمان شوق
Shah zamaan ne bhej diya reshmi libas
Shah zamaan ne bhej diya reshmi libas
Lekin faqeer ka hai wahi sarmadi libas
Hai jism ke siwa bhi Khuda ki dukan mein
Urriyanion ko Dhaampne wala koi libas
Khush hone ka yeh swaang bahut der ho chuka
Sandooq se nikalo mera matami libas
Socha tumhein gale se lagaya pehan liya
Tum ho kabhi khayal kabhi tan kabhi libas
Is baar roshni se hai jang aar-paar ki
Shaamon se jis ne chheen liye surmai libas
Jaari rahega ta ba abad yeh tawaf-e-husn
Aankhon mein phir raha hai tera mausami libas
Taqreer sun ke woh bhi bajaate hain taaliyan
Pehanaya gaya hai jinhein aakhri libas
Us roz jhoom jhoom ke naache hain zid mein woh
Jis din badan pe dekh liya matami libas
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں