سیاہی میں نہا کر سرخ رو ہیں — نعمان شوق
شاعر
سیاہی میں نہا کر سرخ رو ہیں
سیاہی میں نہا کر سرخ رو ہیں
مزے میں ہیں جو اہل ہاؤ ہو ہیں
نہ دیکھا خواب بھی اک خواب جیسا
غرض مجبوریوں میں با وضو ہیں
نہیں تفصیل کا قائل نہیں میں
یہی اشعار شرح آرزو ہیں
نہیں میں آج اپنے آپ میں بھی
وہ آئینے میں کس سے روبرو ہیں
زمیں والو ذرا ہشیار رہنا
سبھی قابیل محو گفتگو ہیں
یہ میں ہوں اور یہ میری کتابیں
بھری دنیا میں دو ہی فالتو ہیں
نعمان شوق
Siyahi mein naha kar surkh-ru hain
Siyahi mein naha kar surkh-ru hain
Maze mein hain jo ahl-e-hao-hoo hain
Na dekha khwab bhi ik khwab jaisa
Gharaz majbooriyon mein ba-wazu hain
Nahin tafseel ka qaail nahin main
Yehi ashaar sharh-e-aarzoo hain
Nahin main aaj apne aap mein bhi
Woh aaine mein kis se rubaroo hain
Zameen walon zara hoshiyar rehna
Sabhi qabil-e-mehv-e-guftagoo hain
Yeh main hoon aur yeh meri kitaben
Bhari duniya mein do hi faltu hain
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں