ٹلنے کا یوں فقیر نہیں ہے یہ عشق ہے — نعمان شوق
شاعر
ٹلنے کا یوں فقیر نہیں ہے یہ عشق ہے
ٹلنے کا یوں فقیر نہیں ہے یہ عشق ہے
یہ جو نئی غزل کی زمیں ہے یہ عشق ہے
دنیا میں کتنا حسن ہے مجھ کو نہیں پتہ
واللہ گر ذرا بھی کہیں ہے یہ عشق ہے
میں اس جہاں کا سب سے امیر آدمی ہوں یار
تم نے بنا دیا ہے یقیں ہے یہ عشق ہے
مغرور جس کو تو نے کہا تھا وہ مر چکا
قدموں میں دیکھ کس کی جبیں ہے یہ عشق ہے
ہم زاد ہے ازل سے مرا روح کائنات
یہ میں ہوں دوسرا جو مکیں ہے یہ عشق ہے
کل جو ملا تھا میں ہوں وہی بوریا نشیں
دنیا تمام زیر نگیں ہے یہ عشق ہے
اس شخص کو یقین دلائیں تو کس طرح
ہر شخص کو اگرچہ یقیں ہے یہ عشق ہے
نعمان شوق
Talne ka yun faqeer nahin hai ye ishq hai
Talne ka yun faqeer nahin hai ye ishq hai
Ye jo nayi ghazal ki zameen hai ye ishq hai
Duniya mein kitna husn hai mujhko nahin pata
Wallah gar zara bhi kahin hai ye ishq hai
Main is jahan ka sab se ameer aadmi hoon yaar
Tum ne bana diya hai yaqeen hai ye ishq hai
Maghroor jis ko tu ne kaha tha woh mar chuka
Qadmon mein dekh kis ki jabeen hai ye ishq hai
Humzaad hai azal se mera rooh-e-kaenat
Ye main hoon dusra jo makeen hai ye ishq hai
Kal jo mila tha main hoon wohi boriya nasheen
Duniya tamam zere nigeen hai ye ishq hai
Us shakhs ko yaqeen dilayen to kis tarah
Har shakhs ko agarche yaqeen hai ye ishq hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں