تیز آندھیوں کے ساتھ گزارا ہوا مرا — نعمان شوق
شاعر
تیز آندھیوں کے ساتھ گزارا ہوا مرا
تیز آندھیوں کے ساتھ گزارا ہوا مرا
پہنا زمیں نے جسم اتارا ہوا مرا
دیکھ آسمان تیرے ستارے کہیں نہیں
لیکن چمک رہا ہے سنوارا ہوا مرا
تم بھی پلٹ کے آؤ گے وحشی صدا کے ساتھ
رکتا ہے کتنی دیر پکارا ہوا مرا
اک قتل سے نمٹ کے بہت خوش ہوا تھا میں
پھر مجھ میں جی اٹھا وہی مارا ہوا مرا
تیرے سوا یقین کے لائق کوئی نہیں
اس اعتماد میں بھی خسارا ہوا مرا
مدت کے بعد خود پہ ہوا اپنا اختیار
جو کچھ جہان میں تھا تمہارا ہوا مرا
نعمان شوق
Tez aandhiyon ke saath guzara hua mera
Tez aandhiyon ke saath guzara hua mera
Pehna zameen ne jism utara hua mera
Dekh aasmaan tere sitaare kahin nahin
Lekin chamak raha hai sanwara hua mera
Tum bhi palat ke aao ge wahshi sada ke saath
Rukta hai kitni der pukara hua mera
Ik qatl se nimat ke bahut khush hua tha main
Phir mujh mein ji utha wohi mara hua mera
Tere siwa yaqeen ke laiq koi nahin
Is aetimad mein bhi khasara hua mera
Muddat ke baad khud pe hua apna ikhtiyar
Jo kuch jahan mein tha tumhara hua mera
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں